Laust er til umsóknar fullt starf verkefnisstjóra í teymi rannsóknarinnviða á Vísinda- og nýsköpunarsviði Háskóla Íslands, tímabundið til tveggja ára. Teymið styður við markvissa uppbyggingu rannsóknarinnviða innan Háskóla Íslands í samræmi við Rannsóknarinnviðaáætlun skólans.

Markmið starfsins er að straumlínulaga ferli styrkumsókna, innkaupa og eignaskráningar í þeim tilgangi að öðlast betri yfirsýn yfir rannsóknarinnviðaeign og þarfir rannsakenda. Starfið felur jafnframt í sér samstarf við rannsakendur við Háskóla Íslands og aðila innan stjórnsýslu skólans, auk aðkomu að umsýslu Tækjakaupasjóðs og Mótframlagasjóðs Háskóla Íslands.

• Gerð gagnagrunns úr Tækjakaupa- og Mótframlagasjóði skólans

• Samræming upplýsinga frá umsóknum í Tækjakaupa- og Mótframlagasjóð til eignaskráningar rannsóknarinnviða

• Þátttaka í umsýslu með umsóknum, mati og styrkveitingum úr Tækjakaupa- og Mótframlagasjóði

• Aðkoma að skráningum rannsóknarinnviða Háskóla Íslands í skráningar-/bókunarkerfið Clustermarket

• Aðkoma að bestun ferla og innleiðingu upplýsingtæknilausna á Vísinda- og nýsköpunarsviði

• Samskipti við rannsakendur og rekstraraðila rannsóknarinnviða

• Þátttaka í vinnuhópum og/eða teymisvinnu tengdum rannsóknarinnviðum

• Háskólapróf sem nýtist í starfi

• Gott vald á upplýsingatækni og gagnagrunnsforritum s.s. Excel og Sharepoint listum og hæfni til að tileinka sér nýjungar á því sviði

• Reynsla af notkun PowerBI er kostur

• Reynsla af sambærilegum verkefnum er kostur

• Góð íslensku- og enskukunnátta

• Samstarfshæfni og nákvæmni og sjálfstæði í vinnubrögðum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

• Staðfest afrit af prófskírteinum

• Upplýsingar um umsagnaraðila

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Vísinda- og nýsköpunarsvið er eitt af þjónustu- og stoðsviðum sameiginlegrar stjórnsýslu Háskóla Íslands. Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsóknir, nýsköpun, hagnýtingu, erlent samstarf og vísindastarf skólans.