Laust er til umsóknar fullt starf verkefnastjóra á styrkjaskrifstofu Vísinda- og nýsköpunarsviðs Háskóla Íslands. Styrkjaskrifstofa sinnir stuðningi við erlend rannsóknaverkefni, m.a. með ráðgjöf og eftirliti með samningum og fjármálum alþjóðlegra rannsóknarverkefna Háskóla Íslands og veita stuðning við skimun tækifæra og gerð umsókna.

Verkefnastjórinn hefur aðsetur á Vísinda- og nýsköpunarsviði í Aðalbyggingu Háskóla Íslands og vinnur undir stjórn sviðsstjóra. Viðkomandi vinnur náið með fjármálasviði, rannsóknastjórum fræðasviða Háskólans og stoðþjónustu rannsókna á fræðasviðum. Starfið felur jafnframt í sér samstarf við rannsakendur við Háskóla Íslands sem og samstarfsaðila í alþjóðlegum rannsóknaverkefnum og styrkveitendur. Markmið starfsins er að efla rannsóknir og vísindastarf við Háskóla Íslands með því að veita faglegan almennan stuðning, aðstoð og ráðgjöf.

• Yfirlestur og gerð styrk- og samstarfssamninga og annarra samninga sem tengjast erlendu rannsóknasamstarfi verkefna innan HÍ

• Tryggja að farið sé að reglum styrkveitanda varðandi fjármál og önnur atriði sem tilgreind eru í styrk- og samstarfssamningum

• Taka þátt í að móta stefnu Háskóla Íslands um stoðþjónustu rannsókna og nýsköpunar í samræmi við bestu viðmið erlendis

• Koma á framfæri upplýsingum um stefnur, tækifæri og áskoranir í alþjóðlegu rannsóknasamstarfi

• Aðstoða vísindafólk Háskóla Íslands við að finna styrktækifæri og þróa rannsóknahugmyndir um alþjóðleg rannsóknaverkefni t.d. innan rammaáætlana ESB í samstarfi við rannsóknastjóra fræðasviða Háskólans

• Þátttaka í vinnuhópum og/eða teymisvinnu tengdum styrkjaumhverfi.

• Taka þátt í fjárhagslegu uppgjöri og daglegu utanumhaldi fjármála í rannsóknaverkefnum

• Meistaragráða sem nýtist í starfi

• Reynsla af þátttöku í alþjóðlegum verkefnum á sviði rannsókna og nýsköpunar og/eða umsóknaskrifum og utanumhaldi alþjóðlegra verkefna er kostur

• Þekking á styrkjakerfi rannsókna og nýsköpunar og helstu alþjóðlegu rannsóknasjóðum (H2020, Horizon Europe, Nordforsk, NIH, EEA Grants, o.s.frv.) er kostur

• Reynsla af yfirlestri af erlendum samningum er kostur

• Góð íslensku- og enskukunnátta, bæði í ræðu og riti.

• Gott vald á upplýsingatækni, s.s. Microsoft 365 umhverfi og hæfni til að tileinka sér nýjungar á því sviði

• Samstarfshæfni, nákvæmni, útsjónarsemi og sjálfstæði í vinnubrögðum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

• Staðfest afrit af prófskírteinum

• Upplýsingar um umsagnaraðila

Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands.

Vísinda- og nýsköpunarsvið er eitt af þjónustu- og stoðsviðum sameiginlegrar stjórnsýslu Háskóla Íslands. Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsóknir, nýsköpun, hagnýtingu, erlent samstarf og vísindastarf skólans.