Endurmenntun Háskóla Íslands leitar að verkefnastjóra í markaðsmálum í öflugt markaðs- og þjónustuteymi. Í boði er afar lifandi og áhugavert starf við fjölbreytt verkefni á sviði markaðsmála.

Hjá Endurmenntun vinnum við að betra samfélagi með því að efla þekkingu og hæfni, tengja fólk og skapa ný tækifæri. Endurmenntun Háskóla Íslands, EHÍ, er í fararbroddi í sí- og endurmenntun á Íslandi og tekur árlega á móti þúsundum nemenda á námskeið og í lengra nám.

• Markaðssetning Endurmenntunar m.a. á samfélagsmiðlum, vefsíðu og tölvupósti.

• Smíði og framsetning texta, myndefnis og annars kynningarefnis.

• Samskipti við viðskiptavini og samstarfsaðila kennara, nemendur, birgja, fjölmiðla og auglýsingastofu/ljósmyndara o.s.frv.

• Vinnsla og greining markaðsgagna.

• Yfirlestur texta.

• Önnur sérverkefni tengd starfinu.

• Háskólapróf og starfsreynsla sem nýtist í starfi.

• Góð færni í smíði texta og myndvinnslu, uppsetningu kynningarefnis og frágangi.

• Reynsla af textagerð, myndvinnslu og framsetningu kynningarefnis.

• Reynsla og kunnátta af markaðssetningu á samfélagsmiðlum og með tækjum á borð við Google Analytics, Meta Business Manager og Google Ads.

• Góð íslenskukunnátta, bæði í ræðu og riti.

• Góð tölvukunnátta og stafræn hæfni.

• Skipulagshæfni, nákvæmni og sjálfstæð vinnubrögð.

• Lipurð í mannlegum samskiptum og þjónustulund.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða fullt starf og er æskilegt að viðkomandi geti hafið störf sem fyrst.

Umsóknir þurfa að berast í gegnum Starfatorg að meðfylgjandi eftirfarandi gögnum:

• Ferilskrá

• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

• Staðfest afrit af prófskírteinum

• Upplýsingar um 2-3 umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands.