Umsjón fasteigna, framkvæmda- og tæknisviðs Háskóla Íslands óskar eftir að ráða umsjónarmann fasteigna í fullt starf. Starfið fellur undir deildarstjóra umsjónar fasteigna Háskóla Íslands. Umsjón fasteigna sér um daglegan rekstur bygginga Háskóla Íslands og er meðal annars unnið um kvöld og helgar.

• Dagleg umsjón með byggingum

• Umsjón og eftirlit með hússtjórnarkerfum og öryggismálum

• Eftirlit með ræstingu í byggingum

• Aðstoð í kennslustofum og öðrum rýmum

• Ýmislegt viðhald í byggingum

• Flutningar innan og á milli bygginga

• Önnur tilfallandi verkefni

• Gerð er krafa um handlagni, iðnmenntun er kostur

• Kunnátta í íslensku og ensku

• Almenn tölvukunnátta

• Þjónustulund og lipurð í mannlegum samskiptum

• Sjálfstæð og skipulögð vinnubrögð

• Almenn ökuréttindi

• Reynsla af notkun öryggis- og hússtjórnarkerfa er kostur

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

• Ferilskrá

• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

• Afrit af prófskírteinum ef við á

• Upplýsingar um umsagnaraðila

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.