Laust er til umsóknar fullt starf sem snýr að styrkumsóknarskrifum (e. grant writing) í tengslum við vísindarannsóknir Hans Tómasar Björnssonar við Háskóla Íslands. Viðkomandi mun vinna náið með hópstjóra og fjölbreyttum alþjóðlegum hópi nýdoktora, verkefnastjóra og doktorsnema við að sækja um stóra erlenda rannsóknarstyrki. Um er að ræða fjölbreytt og spennandi starf. Við leitum að einstaklingi sem er reiðubúinn að leggja sitt af mörkum til að stuðla að framgangi rannsóknarstarfsins og búi yfir sveigjanleika og aðlögunarhæfni sem síbreytileg og lifandi verkefni innan slíkra rannsókna geta krafist.

• Styrkjaskrif fyrir rannsóknarstyrki og samskipti við styrkveitendur

• Aðkoma að skýrsluskilum og eftirliti á nýtingu styrkja

• Aðkoma að útreikningum á kostnaðarþáttum fyrir styrkumsóknir

• Aðkoma að greinaskrifum á greinum sem tengjast rannsóknum

• Þátttaka í vísindamiðlun rannsóknarstofunnar

• Doktorspróf á sviði erfðafræði, sameindalíffræði eða sambærilegum sviðum eða meistarapróf ásamt marktækri reynslu af sambærilegum verkefnum.

• Reynsla af vinnu við vísindaverkefni eða skrif á vísindatexta er æskileg

• Góð enskukunnátta, bæði í ræðu og riti

• Gott vald á upplýsingatækni og hæfni til að tileinka sér nýjungar á því sviði

• Góð hæfni í mannlegum samskiptum, ásamt öguðum vinnubrögðum, nákvæmni og útsjónarsemi

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Eftirfarandi gögn skulu fylgja umsókninni:

• Kynningarbréf þar sem fram kemur áhugi umsækjanda á starfinu.

• Ferilskrá sem inniheldur upplýsingar um starfsreynslu og birtar greinar.

• Afrit af prófskírteinum (Master og/eða PhD).

• Upplýsingar um tvo umsagnaraðila og hvernig má hafa samband við þá.

Æskilegt er að viðkomandi geti hafið störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands

Háskóli Íslands er stærsta kennslu-, rannsókna- og vísindastofnun á Íslandi. Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir: Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru um 300 og nemendur um 2200.