Innskrá
Nýskrá
Fífuborg er fjögurra deilda leikskóli við Fífurima í Grafarvogi með sterkan kjarna af fagfólki. Gildi leikskólans eru virðing, heilbrigði og gleði. Í leikskólanum er stuðst við kenningar John Dewey, Caroline Pratt og Lev Vigotsky en hugmyndafræði þeirra á það sameiginlegt að líta á barnið sem skapandi, virkan og hugsandi einstakling sem lærir af eigin reynslu, virkni og áhuga. Megináherslur í starfi leikskólans eru bernskulæsi, félagsfærni, umhverfismennt og lýðræði. Rík áhersla er lögð á að raddir barnanna heyrist og að þau hafi áhrif á umhverfi sitt. Í Fífuborg er unnið með vináttuverkefni Barnaheilla sem byggir m.a. á því að efla félagsfærni og byggja upp jákvæð samskipti. Hallsholt, grenndarsvæði leikskólans bíður uppá tækifæri til útikennslu og skemmtilegra vettvangsferða. Fífuborg er Grænfánaleikskóli og hlaut hann hvatningarverðlaun skóla- og frístundarsviðs 2019 fyrir verkefnið Ella umhverfisdúkka.
Helstu verkefni og ábyrgð
- Að stuðla að vellíðan barna
- Að aðstoða börn við daglegar athafnir og þátttöku í leikskólastarfinu
- Að styðja börn í félagslegum aðstæðum
- Að vinna eftir einstaklingsnámskrám barna
- Að sinna málrækt og efla íslenskukunnáttu barna
- Að sinna þeim verkefnum er varða sérkennslu, og öðrum störfum innan leikskólans, sem yfirmaður felur honum.
Hæfniskröfur
- Leikskólakennaramenntun, þroskaþjálfamenntun, sálfræðimenntun eða önnur sambærileg menntun sem nýtist í starfi.
- Reynsla af uppeldis- og kennslustörfum með ungum börnum
- Lipurð í samskiptum
- Frumkvæði í starfi
- Sjálfstæð og skipulögð vinnubrögð
- Stundvísi
- Góð íslenskukunnátta – íslenska B2 samkvæmt samevrópska tungumálarammanum
Fríðindi í starfi
- 36 stunda vinnuvika fyrir fullt starf
- Sundkort
- Menningarkort – Bókasafnskort
- Samgöngustyrkur
- Heilsuræktarstyrkur
- Hádegismatur
- Börn starfsfólks í leikskólum Reykjavíkur fá forgang í leikskóla í Reykjavík
Laun eru samkvæmt samningi Sambands íslenskra sveitarfélaga og KÍ v/ Félags leikskólakennara eða viðkomandi stéttarfélagi.
Upplýsingar um starfið gefur Helga Arnfjörð Sigurðardóttir leikskólastjóri í síma 411-3940 eða á netfangið Helga.Sigurdardottir01@reykjavik.is
