Laust er til umsóknar starf lektors í starfstengdri siðfræði við Menntavísindasvið Háskóla Íslands. Meginviðfangsefni starfsins eru kennsla og rannsóknir í starfstengdri siðfræði við Deild menntunar og margbreytileika. Lögð er áhersla á að lektorinn hafi þekkingu á siðferðilegum viðfangsefnum í starfi þroskaþjálfa og uppeldis- og menntunarfræðinga. Að auki tekur lektorinn þátt í kennslu annarra starfstétta sviðsins eftir atvikum, svo sem kennara, þjálfara, tómstundafræðinga og skólastjórnenda. Meðal viðfangsefna í kennslu og rannsóknum verða siðfræði þroskaþjálfa, siðfræði í uppeldi og menntun og siðfræði rannsókna.

• Kennsla á grunn- og meistarastigi.

• Leiðsögn með grunnnemum og framhaldsnemum.

• Rannsóknir á fræðasviðinu.

• Samstarf við annað fræðafólk innan námsbrautarinnar, Deildar menntunar og margbreytileika og Menntavísindasviðs.

• Samstarf við starfsvettvanga þroskaþjálfa og uppeldis- og menntunarfræðinga, bæði innanlands og á alþjóðlegum vettvangi.

• Doktorsprófi í heimspeki með áherslu á siðfræði.

• Reynsla af kennslu á háskólastigi.

• Reynsla af kennslu á sviði starfstengdrar siðfræði og siðfræði fagstétta er æskileg.

• Reynsla af rannsóknum á sviði starfstengdrar siðfræði eða skyldum greinum, sem kemur m.a. fram í birtingum á ritrýndum vettvangi.

• Góð samstarfshæfni og lipurð í mannlegum samskiptum.

Áhersla er lögð á að sá einstaklingur sem starfið hlýtur hafi skýra framtíðarsýn um hlutverk sitt í kennslu og rannsóknum á sviðinu. Horft verður til þess að ráðningin falli sem best að aðstæðum og þörfum sviðsins í heild.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta eftirfarandi gögn fylgja umsókn sinni.

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Gert er ráð fyrir að ofangreint starf verði veitt frá 1. júlí 2025 eða samkvæmt nánara samkomulagi. Þó ekki fyrr en lokið er störfum þeirra nefnda sem um ráðninguna munu fjalla.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Á Menntavísindasviði fer fram rannsóknartengt starfsnám fyrir kennara á leik-, grunn- og framhalds- og háskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang.