Laust er til umsóknar fullt starf lektors í mannfræði við Félagsfræði-, mannfræði- og þjóðfræðideild við Félagsvísindasvið Háskóla Íslands.

Lektornum er ætlað að sinna kennslu í mannfræði þar á meðal í mismunandi undirgreinum mannfræðinnar. Þá er lektornum ætlað að sinna rannsóknum í mannfræði og sinna stjórnun í námsbrautinni. Leitað er að einstaklingi sem hefur áhuga á framþróun rannsókna og rannsóknaraðferða á sviði mannfræði.

• Doktorspróf í mannfræði.

• Virkni og hæfni í rannsóknum á sviði mannfræði, sem kemur fram í birtingum alþjóðlegum í ritrýndum tímaritum. Að umsækjandi hafi verið leiðandi í sínum rannsóknum er kostur.

• Reynsla og hæfni af kennslu á háskólastigi æskileg.

• Hæfni í mannlegum samskiptum, áreiðanleiki, frumkvæði og sjálfstæði í vinnubrögðum ásamt góðri hæfni til að miðla þekkingu.

• Umsækjandi verður að geta sinnt kennslu á íslensku.

Við ráðningu verður miðað við að sá er starfið hlýtur falli sem best að aðstæðum og þörfum námsbrautar í mannfræði. Tekið verður mið af því hvort sérþekking viðkomandi bæti við þá þekkingu sem fyrir er í námsbrautinni.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til fimm ára með möguleika á ótímabundinni ráðningu að þeim tíma liðnum, sbr. 3. mgr. 31. gr. reglna fyrir Háskóla Íslands nr. 569/2009. Miðað er við að ráðið verði í starfið frá 1. júlí 2025, eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna fjalla.

Umsækjendur skulu láta eftirfarandi gögn fylgja umsókn sinni:

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til Vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Um meðferð umsókna, mat á hæfni umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna nr. 569/2009 fyrir Háskóla Íslands. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands.

Námsbraut í mannfræði starfar innan Félagsfræði-, mannfræði- og þjóðfræðideildar sem er ein sex deilda Félagsvísindasviðs. Markmið námsbrautar í mannfræði er að brautskrá framúrskarandi mannfræðinga sem eiga þátt í því að efla fagið innan skólans sem utan.

Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið.

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum.