BIOEFFECT leitar að öflugum starfsmanni í textagerð. Viðkomandi þarf að vera jafnvígur í íslensku- og ensku. Starfið felst í margvíslegum textaverkefnum á fjölbreyttum miðlum fyrirtækisins og að sjá til þess að tónninn sé faglegur, áhugaverður og skemmtilegur og í takt við vörumerkið. Starfsmaður tilheyrir markaðsdeild félagsins og starfinu geta því fylgt þátttaka í óvæntum og fjölbreyttum verkefnum. Æskilegt er viðkomandi hafi áhuga á húðumhirðu og húðvöru.
BIOEFFECT eru margverðlaunaðar íslenskar húðvörur sem byggja á íslensku hugviti, vísindum og virkni. Sérstaða vörulínunnar er virka innihaldsefnið, BIOEFFECT EGF, sem framleitt er með aðferðum plöntu-líftækni í gróðurhúsi ORF Líftækni á Íslandi. Vörurnar eru framleiddar á Íslandi og því gegnir íslenska vatnið einnig lykilhlutverki í hreinleika varanna. BIOEFFECT húðvörurnar eru seldar um allan heim, í 21 landi og hafa hlotið fjölda alþjóðlegra viðurkenninga fyrir gæði og virkni. Alls starfa um 55 starfsmenn hjá félaginu, flestir á Íslandi en BIOEFFECT er einnig með starfsstöðvar í London og New York.
Helstu verkefni og ábyrgð
Textagerð fyrir BIOEFFECT, s.s. netpóstar, blogg, vörur, umbúðir, bæklingar, auglýsingar, samfélagsmiðlar, þjálfunarefni o.s.frv.
Ábyrgð á tón vörumerkisins í samstarfi við markaðsstjóra
Prófarkalestur á íslensku og ensku efni
Hugmyndavinna fyrir markaðsefni
Þátttaka í leitarvélabestun (SEO)
Önnur tilfallandi verkefni
Menntunar- og hæfniskröfur
Háskólamenntun sem nýtist í starfi
Framúrskarandi íslensku- og enskukunnátta í rituðu máli er skilyrði
Skipulagshæfni og vönduð vinnubrögð
Frumkvæði og metnaður til að ná árangri
Góð teymisvinna og jákvæðni
Hæfni í mannlegum samskiptum og góðir samstarfshæfileikar
Reynsla af sambærilegu starfi mikill kostur
Fríðindi í starfi
Heilsuræktarstyrkur
Samgöngustyrkur fyrir vistvænar samgöngur
Niðurgreiddur hádegismatur
Góður starfsandi og líflegt starfsumhverfi
Öflugt starfsmannafélag
Umsóknarfrestur er til og með 31. október. Umsóknum skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.
Allar umsóknir fara í gegnum job.is en nánari upplýsingar um starfið veitir Sigríður Erlendsdóttir, Markaðsstjóri (sigridur.erlendsdottir@bioeffect.com).