Háskóli Íslands
Betri háskóli – betra samfélag
Raunvísindastofnun Háskóla Íslands auglýsir laust fullt starf forstöðumanns. Markmið starfs forstöðumanns er að tryggja að stofnunin sé leiðandi á sérsviði sínu og starf hennar falli að lögum og reglum, stefnu og gildum Háskóla Íslands. Forstöðumaður er ábyrgur gagnvart stjórn Raunvísindastofnunar- og forseta Verkfræði- og náttúruvísindasviðs í starfi sínu.
Raunvísindastofnun er vettvangur grunnrannsókna á sviðum raun og jarðvísinda og starfar í alþjóðlegu vísindaumhverfi. Hlutverk hennar er einkum að afla nýrrar þekkingar með grunn- og nytjarannsóknum á sviðum raun- og jarðvísinda, starfa með innlendum og erlendum háskólum, rannsóknarstofnunum og fyrirtækjum, efla kennslu og veita nemendum í rannsóknanámi aðgang og aðstöðu. Stofnunin er hluti af Raunvísinda- og Jarðvísindadeildum og heyrir undir Verkfræði- og náttúruvísindasvið Háskóla Íslands. Nánari upplýsingar um hlutverk og skipulag er að finna í reglum Raunvísindastofnunar: https://www.hi.is/haskolinn/reglur%5Fnr%5F685%5F2011
Ábyrgð á daglegum rekstri stofnunarinnar, þ.m.t. fjármálum og mannauðsmálum stofnunarinnar
Gerð fjárhags- og starfsáætlana stofnunarinnar
Styðja við stefnumótun og þróunarvinnu í samræmi við stefnu og markmið stofnunarinnar
Eftirlit með fjármálum rannsóknaverkefna
Stuðningur við rekstur rannsóknarverkefna
Ábyrgð á kynningarefni og heimasíðu stofnunarinnar
Háskólapróf sem nýtist í starfi, framhaldsmenntun er æskileg
Reynsla af rekstri og fjárhagsáætlanagerð
Þekking á fjárhagsupplýsingakerfum
Reynsla af stjórnun og stefnumótun
Góð samstarfshæfni og lipurð í mannlegum samskiptum
Leiðtogahæfni og frumkvæði
Þekking á akademísku og rannsóknarmiðuðu umhverfi er æskileg
Góð færni í íslensku og ensku, bæði í ræðu og riti
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Eftirfarandi gögn skulu fylgja umsókn:
Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans.
Vakin er athygli á málstefnu Háskóla Íslands.
Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.
Raunvísindastofnun er gróskumikið þekkingarsamfélag innan Háskóla Íslands sem hýsir tilraunaaðstöðu viðamikilla rannsókna og starfar með innlendum og erlendum háskólum, rannsóknarstofnunum og fyrirtækjum. Akademískt frelsi, fagmennska og jafnrétti eru gildi sem eru í hávegum höfð og mikið er lagt upp úr sveigjanleika og þátttöku starfsmanna í uppbygginu rannsókna og styrkingu rannsóknatengds framhaldsnáms í raunvísindagreinum innan Háskóla Íslands.
Nánari upplýsingar veitir
Magnús Tumi Guðmundsson, Formaður stjórnar Raunvísindastofnunar – mtg@hi.is – 5255867Sigurður Magnús Garðarsson, Forseti Verkfræði- og náttúruvísindasviðs – sigmg@hi.is – 5254659
Starfshlutfall er 100%
Umsóknarfrestur er til og með 11.11.2024
Magnús Tumi Guðmundsson, mtg@hi.is
Sími: 5255867
Sigurður M Garðarsson, sigmg@hi.is
Sími: 5254659
Fá tilkynningu um svipuð störf
Heiðarborg er fjögurra deilda en þar dvelja 69 börn samtímis við leik og störf. Einkunnarorð skólans er vinátta, gleði, virðing,...
Sækja um þetta starfEngjaborg er fjögurra deilda leikskóli í Grafarvogi. Í Engjaborg er lögð áhersla á nám og velferð barna þar sem allir...
Sækja um þetta starf