Háskóli Íslands
Betri háskóli – betra samfélag
Heilbrigðisvísindasvið Háskóla Íslands auglýsir laust til umsóknar fullt starf forstöðumanns Miðstöðvar í öldrunarfræðum. Um er að ræða starf sem er sérstaklega styrkt af Heilbrigðisráðuneyti og Félags- og vinnumarkaðsráðuneyti, tímabundið til þriggja ára. Mögulegt er að um verði að ræða áframhaldandi fjármögnun starfsins, en ekki liggur fyrir með hvaða hætti eða til hve langs tíma.
Miðstöð í öldrunarfræðum (MÖ) er starfrækt í samvinnu Háskóla Íslands og Landspítala og er vistuð á Heilbrigðisvísindastofnun Háskóla Íslands sem starfrækt er innan Heilbrigðisvísindasviðs. Hlutverk hennar er m.a. að vera miðstöð rannsókna á sviði öldrunarfræða er tekið geta tillit til heilbrigðistengdra, félagslegra, fjárhagslegra og annarra þátta sem tengjast lífsgæðum eldra fólks. Þá er hlutverk MÖ einnig að styðja við rannsóknasamstarf og kennslu á fræðasviðinu og veita ráðgjöf. Sjá einnig: https://www.hi.is/frettir/hi%5Fleidir%5Fmidstod%5Fi%5Foldrunarfraedum
Forstöðumaðurinn mun hafa aðsetur á skrifstofu Heilbrigðisvísindasviðs í Læknagarði við Vatnsmýrarveg 16, ásamt öðru starfsfólki sviðsskrifstofu sem vinnur saman í teymum að margvíslegum stoðþjónustuverkefnum á sviði kennslu, rannsókna, mannauðsmála, markaðsmála, reksturs og fjármála.
Í stefnu Háskóla Íslands – HÍ26 – er áhersla lögð á skólann sem góðan vinnustað, að starfsumhverfi sé hvetjandi með vellíðan nemenda og starfsfólks að leiðarljósi. Lögð er áhersla á að laða að metnaðarfullt fólk með fjölbreyttan bakgrunn. Stytting vinnuvikunnar hefur verið innleidd fyrir starfsfólk í stoðþjónustu skólans.
Að tryggja að Miðstöð í öldrunarfræðum sé leiðandi í störfum sínum og að verkefni hennar fallið að hlutaðeigandi lögum, reglum, stefnu og gildum Háskóla Íslands.
Að veita Miðstöð í öldrunarfræðum forstöðu og sinna daglegum rekstri starfseminnar; framfylgja markmiðum hennar, aflar verkefna og tekna, annast áætlanagerð og fjármál í samráði við stjórn MÖ og stjórnsýslu Heilbrigðisvísindasviðs
Að stuðla að samvinnu og uppbyggingu rannsóknainnviða á sviði öldrunarfræða
Að koma á og efla samstarf við aðrar rannsóknastofur, félög, einstaklinga og opinbera aðila
Að koma að og sinna ráðgjöf eða verkefnum sem óskað er eftir af hálfu ráðuneyta, stofnana, félagasamtaka og annarra aðila sem tengjast eldra fólki.
Að standa fyrir fyrirlestrum, vinnusmiðjum, og námskeiðum fyrir fagfólk í öldrunarþjónustu.
Meistara- eða doktorspróf sem nýtist í starfinu
Sérfræðiþekking eða reynsla af rannsóknum í heilbrigðisvísindum, félagsvísindum eða viðfangsefnum sem lúta að öldrun og málefnum eldra fólks
Leiðtogahæfni og reynsla af stjórnun
Reynsla af íslensku stjórnkerfi, heilbrigðis- og félagslegri þjónustu
Færni í mannlegum samskiptum
Frumkvæði, sveigjanleiki og sjálfstæði í starfi
Góð íslensku- og enskukunnátta, bæði í ræðu og riti
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Eftirfarandi gögn skulu fylgja umsókn:
Ferilskrá
Greinargerð þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands
Starfshlutfall er 100%
Umsóknarfrestur er til og með 14.10.2024
Ingibjörg Hjaltadóttir, ingihj@hi.is
Fá tilkynningu um svipuð störf
Brænder du for kommunikation og formidling af det nordiske miljø- og klimaarbejde? De nordiske lande har høje ambitioner på klimaområdet...
Sækja um þetta starfNordiska ministerrådet (NMR) och de tre baltiska länderna har sedan början av 1990-talet utvecklat ett allt bredare och djupare samarbete....
Sækja um þetta starfNordForsk er en organisasjon under Nordisk ministerråd. Vi finansierer og koordinerer nordisk forskningssamarbeid, og skal bidra til at forskningen har...
Sækja um þetta starfNorden skal bli verdens mest bærekraftige og integrerte region. Vil du være med å drive vår arbeidet med å komme...
Sækja um þetta starf