Háskóli Íslands leitar að leiðtoga fyrir Félagsvísindasvið sem er eitt af fimm fræðasviðum háskólans. Forseti Félagsvísindasviðs starfar í umboði rektors. Forseti fræðasviðs er yfirmaður sviðsins, stýrir daglegri starfsemi og er akademískur leiðtogi þess og talsmaður innan háskólans og utan. Með forseta fræðasviðs starfar öflugt teymi stjórnenda og sérfræðinga.

Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður við íslenskt samfélag og alþjóðlega fræðasamfélagið.

Háskóli Íslands er stærsta kennslu-, rannsókna- og vísindastofnun Íslands með stórt og fjölbreytt safn rannsóknarverkefna. Háskóli Íslands veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla.

• Fjármál og rekstur fræðasviðs og stofnana sem undir það heyra

• Stjórnun, útfærsla og framkvæmd stefnu Háskóla Íslands á vettvangi fræðasviðs

• Stjórnun og mannauðsmál sviðsins

• Yfirumsjón með stjórnsýslu og stoðþjónustu fræðasviðsins

• Tryggja gæði kennslu og uppbyggingu rannsókna og þjónustu

• Stuðla að og styðja við öfluga liðsheild og faglegt samstarf

• Byggja upp og efla tengsl við innlenda og erlenda samstarfsaðila

• Akademískt hæfi sem nemur a.m.k. dósentshæfi eða jafngildi þess að mati hæfisnefndar

• Reynsla af alþjóðlegu háskólaumhverfi

• Leiðtogahæfileikar

• Metnaðarfull og skýr framtíðarsýn

• Rík samskiptahæfni

• Farsæl reynsla af stjórnun og stefnumótun

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til fimm ára. Á grundvelli laga nr. 85/2008 um opinbera háskóla og reglur sem háskólaráð hefur sett getur rektor ákveðið að framlengja ráðningu forseta fræðasviðs til fimm ára í senn. Forseti fræðasviðs er ráðinn af rektor að fenginni umsögn sérstakrar ráðgefandi hæfnisnefndar.

Með umsókn þarf að fylgja

• Ferilskrá

• Afrit af prófskírteinum

• Greinargerð um framtíðarsýn umsækjanda

• Upplýsingar um umsagnaraðila

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin.

Við ráðningu í störf við HÍ er tekið mið af jafnréttisáætlun skólans sem sjá má hér.Vakin er athygli á málstefnu HÍ sem sjá má hér.