Laust er til umsóknar starf Endurmenntunarstjóra tímabundið til eins árs. Leitað er eftir einstaklingi sem hefur brennandi áhuga á mennta- og fræðslumálum.

Endurmenntun HÍ er í fararbroddi í endur-og símenntun á Íslandi, lifandi vettvangur sem tengir Háskóla Íslands, atvinnulíf og samfélag og skapar fjölbreytt umhverfi náms fyrir öll þau sem vilja efla hæfni og þekkingu í lífi og starfi. Með víðtæku samstarfi, öflugri nýsköpun og fagmennsku þjónar Endurmenntun HÍ áhuga og þörfum einstaklinga, atvinnulífs og samfélags á hverjum tíma. Hlutverk Endurmenntunar HÍ er að stuðla að betra samfélagi með því að efla þekkingu og hæfni, tengja fólk og skapa tækifæri. Rekstur Endurmenntunar HÍ byggir eingöngu á eigin tekjum, þ.e. námskeiðsgjöldum. Endurmenntun HÍ nýtur engra opinberra fjárframlaga.

Endurmenntunarstjóri starfar í umboði stjórnar og ber ábyrgð á rekstri stofnunarinnar og sér um daglega starfsemi hennar. Hann sinnir stefnumótun stofnunarinnar og er ábyrgur fyrir áætlanagerð, fjármálum, mannauðsmálum, gæða- og þjónustumálum, markaðsmálum og námsframboði. Endurmenntunarstjóri ber ábyrgð á því að fylgja settri stefnu og ná markmiðum með m.a. vali á viðeigandi skipulagi og starfsháttum. Hann ber jafnframt ábyrgð á að tryggja tengsl, samskipti og samstarf við aðrar starfseiningar Háskóla Íslands.

• Háskólapróf sem nýtist í starfi

• Framhaldsmenntun á sviði stjórnunar, fullorðinsfræðslu eða önnur sambærileg menntun er æskileg

• Reynsla af stjórnun og stefnumótun

• Sjálfstæði, góð skipulagshæfni og frumkvæði

• Leiðtogahæfni og samskiptafærni

• Góð íslensku- og enskukunnátta, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Eftirfarandi gögn skulu fylgja umsókn:

• Ferilskrá

• Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess

• Staðfest afrit af prófskírteinum

• Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.