Háskóli Íslands
Betri háskóli – betra samfélag
Laust er til umsóknar fullt starf dósents í talmeinafræði við Læknadeild Háskóla Íslands
Dósentinn mun sinna rannsóknum og kennslu í talmeinafræði með áherslu á fjöltyngi og málþroskafrávik auk þess að koma að uppbyggingu námsins samráði við námsstjórn. Þá er dósentinum ætlað að sinna eiðbeiningu nemenda við lokaverkefni og taka þátt í stjórnun innan námsbrautar og deildar.
Doktorspróf í talmeinafræði eða skyldum greinum með sérhæfingu á sviði talmeinafræðinnar
Rannsóknavirkni á fræðasviðinu, sjálfstæði og frumkvæði í rannsóknum
Reynsla af öflun styrkja til rannsóknarstarfa
Reynsla af háskólakennslu og leiðbeiningu til æðri háskólagráðu
Reynsla af því að leiða verkefni, s.s. leiða nefndir eða rannsóknarhópa
Hæfni í mannlegum samskiptum, áreiðanleiki, frumkvæði og sjálfstæði í vinnubrögðum
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Við ráðningu verður miðað við, að sá er starfið hlýtur falli sem best að aðstæðum og þörfum námsbrautar í talmeinafræði innan Læknadeildar.
Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.
Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.
Umsækjendur skulu láta eftirfarandi gögn fylgja umsókn sinni.
Kynningarbréf þar sem m.a. kemur fram hvernig umsækjandi uppfyllir hæfniskröfur
Prófskírteini eða eftir atvikum vottorð um námsferil
Akademíska ferilskrá (Curriculum Vitae)
Ritaskrá
Skýrslu um vísindastörf og önnur störf sem þeir hafa unnið
Greinargerð um rannsóknar- og kennsluáform ef til ráðningar kemur
Upplýsingar um mögulega umsagnaraðila sem hafa má samband við
Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.
Gert er ráð fyrir að ofangreint starf verði veitt sem fyrst, eða samkvæmt nánara samkomulagi.
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningar í störf í Háskóla Íslands er tekið mið af jafnréttisáætlun skólans.
Vakin er athygli á málstefnu Háskóla Íslands.
Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.
Heilbrigðisvísindasvið Háskóla Íslands er í fararbroddi á sviði heilbrigðismála á Íslandi og gegnir lykilhlutverki í uppbyggingu íslenska heilbrigðiskerfisins með menntun heilbrigðisstarfsmanna. Helstu sérfræðingar þjóðarinnar í heilbrigðisvísindum koma að kennslu og rannsóknum á sviðinu.
Starfshlutfall er 100%
Umsóknarfrestur er til og með 15.11.2024
Þórarinn Guðjónsson, tgudjons@hi.is
Jóhanna Thelma Einarsdóttir, jeinars@hi.is
Fá tilkynningu um svipuð störf
Nýdoktor í tilraunastjarneðlisfræði Hlusta Starf nýdoktors við Raunvísindastofnun Háskóla Íslands er laust til umsóknar. Nýdoktorinn mun verða hluti af CMBeam...
Sækja um þetta starfAðjúnkt 2 í ítölsku Hlusta Laust er til umsóknar starf aðjúnkts 2 í ítölsku við Mála- og menningardeild Háskóla Íslands....
Sækja um þetta starfFífuborg er fjögurra deilda leikskóli við Fífurima í Grafarvogi með sterkan kjarna af fagfólki. Gildi leikskólans eru virðing, heilbrigði og...
Sækja um þetta starfLektor í upplýsingafræði í Félagsfræði-, mannfræði- og þjóðfræðideild, Félagsvísindasvið Háskóla Íslands Hlusta Laust er til umsóknar fullt starf lektors á...
Sækja um þetta starfNýdoktor eða rannsóknamaður við Námsbraut í talmeinafræði – rannsókn á sviði málþroska (íslenska sem annað mál) Hlusta Auglýst er fullt...
Sækja um þetta starfNýdoktor við Heimspekistofnun Hlusta Háskóli Íslands kallar eftir umsóknum um starf nýdoktors við Heimspekistofnun, Hugvísindasviði, tengt rannsóknaverkefninu Frelsi til merkingarsköpunar...
Sækja um þetta starf