Laust er til umsóknar 70% starf aðjúnkts II við Námsbraut í tannsmíði. Starfið felur einkum í sér kennslu námskeiða í tannsmíði.

Starfið felur í sér allt að 90% kennslu í námskeiðum í tannsmíði. Þau 10% sem eftir eru snúa að stjórnun og virk þátttaka í starfsemi Tannlæknadeildar.

• BS próf í tannsmíði

• Nám á sviði kennslufræða er kostur

• Reynsla af kennslu í tannsmíði á háskólastigi er kostur

• Góð samstarfshæfni, nákvæmni, útsjónarsemi og rík þjónustulund

• Gott vald á upplýsingatækni og hæfni til að tileinka sér nýjungar á því sviði

• Sjálfstæð, skipulögð og lausnamiðuð vinnubrögð

• Góð íslensku- og enskukunnátta, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til tveggja ára. Gert er ráð fyrir að viðkomandi hefji störf sem fyrst, eða skv. nánara samkomulagi.

Umsóknin skal innihalda:

• Ferilskrá

• Staðfest afrit af prófskírteinum

• Upplýsingar um tvo umsagnaraðila sem hafa má samband við

• Kynningarbréf þar sem umsækjandi lýsir ástæðum fyrir áhuga sínum á verkefninu og ræðir hvað hann/hún/hán getur lagt af mörkum til að styrkja námsbrautina.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf við Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Tannlæknadeild er til húsa í Læknagarði við Vatnsmýrarveg 16 og er ein sex deilda á Heilbrigðisvísindasviði Háskóla Íslands. Við Námsbraut í tannsmíði starfa á annan tug kennara, auk stundakennara. Þar er kennd hönnun og framleiðslu tann-og munngerva með hefðbundnum aðferðum og tölvutækni (CAD/CAM).