Laust er til umsóknar starf aðjúnkts 2 í ítölsku við Mála- og menningardeild Háskóla Íslands. Um er að ræða 60-70% starf eða eftir nánara samkomulagi. Ítalska er kennd sem byrjendanám, sem eins árs diplómanám og einnig til BA-gráðu. Innan greinarinnar eru kennd námskeið í m.a. talþjálfun, málfræði og málnotkun. Að auki er boðið upp á námskeið í ítalskri menningu og sögu. Á Hugvísindasviði er lögð áhersla á þróun um kennslu í annarsmálsfræðum og oft í samstarfi við önnur fræðasvið Háskólans.

• Kennsla í ítölsku í diplóma- og BA-námi.

• Þróun kennslu í annarsmálsfræðum í samstarfi við kennara á Hugvísindasviði og Menntavísindasviði.

• Allt að 90% starfsins er kennsla og prófavinna.

• Í það minnsta 10% starfsins er fólgið í ýmsum þjónustu- og stjórnunarverkefnum við námsgreinina.

• Meistarapróf í ítölsku eða/og ítölsku sem annars máls eða skyldum greinum.

• Menntun á sviði kennslufræði er æskileg, kostur er að sú menntun sé á sviði annarsmálsfræða.

• Ítalska sem móðurmál eða mjög góð ítölskukunnátta.

• Góð íslenskukunnátta.

• Kennslureynsla á háskólastigi er æskileg.

• Góð samstarfshæfni og lipurð í mannlegum samskiptum.

• Áhugi á nýjungum í kennsluháttum.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf eigi síðar en 1. janúar 2025.

Umsóknum þarf að fylgja:

• Ferilskrá

• Ritaskrá

• Staðfest afrit af prófskírteinum

• Upplýsingar um umsagnaraðila

• Greinagerð (að hámarki tvær blaðsíður) þar sem áhuga fyrir starfinu er lýst og fjallað um hvað umsækjandi getur lagt af mörkum til þess

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna%5Fhaskola%5Fislands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.