Leikskólinn Bæjarból

Leikskólinn Bæjarból er fjögurra deilda leikskóli í hjarta Garðabæjar.

Leikskólinn er elsti leikskólinn í Garðabæ sem byggður er sem leikskóli og var hann tekinn í notkun 1976.

Bæjarból er heilsuleikskóli og hefur starfað undir nafni þess síðan 2010.

Við leggjum ríka áherslu á hreyfingu og almennt heilbrigði í starfinu okkar.

Við erum með hreyfisal sem deildirnar skiptast á að nota og verið er að byggja nýjan sal hjá okkur þar sem við ætlum að koma upp matstofu. Þar verða hugmyndir um matstofu viðhafðar þar sem boðið verður upp á þægilegt umhverfi og valdeflingu fyrir börnin í matmálstímum.

Börnin fá sér sjálf á disk og velja sér sjálf sæti og með hverjum þau sitja.

Matinn fáum við fá Matartímanum, hann kemur til okkar tilbúinn til eldunar.

Í starfinu okkar leggjum við áherslu á Leikgleði, aga og lífsleikni og störfum eftir hugmyndum John Dewey. Þar sem börnin læra í gegnum eigin reynslu og skynjun.

Frjálsi leikurinn fær mikið rými í dagsskipulaginu okkar og skipuleggjum námsumhverfið út frá því.