Heilsugæsla á höfuðborgarsvæðinu

Heilsugæsla höfuðborgarsvæðisins (HH) hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín.

Starfsfólk HH vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu og sér þjónustu. Þjónustan grundvallast á sérþekkingu fagstétta og víðtæku þverfaglegu samstarfi.

Til að tryggja gott starfsumhverfi hefur verið sett fram starfsmannastefna, jafnréttisstefna og jafnlaunastefna.

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu.

Geðheilsuteymin okkar eru fimm. Geðheilsuteymi HH austur, suður og vestur, Geðheilsuteymi fjölskylduvernd, Geðheilsuteymi taugaþroskaraskana og Geðheilsuteymi fangelsa.

Einnig sjáum við um sérþjónustustöðvarnar: Heimahjúkrun í Hafnarfirði, Garðabæ og Kópavogi, Þroska- og hegðunarstöð, Göngudeild sóttvarna, Samhæfingarstöð krabbameinsskimana, Þróunarmiðstöð íslenskrar heilsugæslu auk stoðþjónustu á skrifstofu.

Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar.